Football/Soccer Session (Moderate): 3. fl.kvk. Víkings, þriðjudagurinn 6. febrúar 2024 (Start Time: 2024-02-06 17:50:00)

Leikrænþjálfun: (15 mins)

Að hlaupa með boltann, í tveggja liða leik.

8 á 8 eða 7 á 7 + 2 á afmörkuðu svæði með fjórum keilumörkum í hornunum. Markmiðið er að færa boltann úr einu horni yfir í gagnstætt horn (með sama lit; gult - gult/rautt - rautt). Ef liðinu tekst það fær það stig, heldur boltanum og reynir að skora aftur með því að færa hann á milli samlita horna.

*Reynið að hlaupa með boltann til að búa til stöðulega yfirburði og færa boltann frá pressusvæði.

*Það er mikilvægt að sóknarliðið dreifi vel úr sér og reyni að skapa bæði breydd og dýpt þannig að meira pláss skapist til að hlaupa með boltann.

*Þið megið reyna að hlaupa með boltann frá einu marki yfir í annað.

Áherslur þjálfara:

1. Verið meðvitaðar um svæðið í kringum ykkur og munið að horfa í kringum ykkur áður en þið fáið boltann.

2. Sýnið samherjum ykkar með merki eða bendingu hvar þið viljið fá boltann.

3. Vandið fyrstu snertingu til að hafa vald á boltanum.

4. Hallið ykkur yfir boltann þegar þið takið við sendingu og stýrið honum inn í svæðið með fyrstu snertingunni. Reynið að nota fyrstu snertinguna sem fyrsta skrefið í hlaupi fram á við með boltann.

5. Það veltur á því hversu stórt svæðið er sem þið hafið hvort þið getið sparkað boltanum lengra fram fyrir ykkur í hlaupinu.

6. Muna að horfa upp til að sjá þá möguleika sem eru.

7. Reynið að halda góðu jafnvægi og nota gabbhreyfingar þegar þið þurfið að komast framhjá andstæðingi.

Tækniþjálfun: (10 mins)

Skallakeppni, þar sem leikmenn úr röð A fá sendingar til skiptis úr röðum B og C og reyna að skora viðstöðulaust með skalla. Leikmaður úr röð A skiptir í þá röð sem sendi á hann og sá sem sendi fer í röð A. Æfingin gengur í ákveðin tíma t.d. 10 mí eða þar til einhver hefur náð tilskildum fjölda marka t.d. 5 mörkum.